ونس

ونس ….

برنامج خفيف جدا لمحمود سعد على يوتيوب، أختيار الأسم حقيقي عبقري…

البرنامج قريب جدا للقلب، تحس انه قاعد معاك كدة وبتدردشوا سوا، ومواضيعه سهلة اووووى …

انا بحب محمود سعد الحقيقة من زمااان ، من أيام البرامج الفنية و الجملة الشهيرة(اشرب العصير) ، مرورا بالبيت بيتك وباب الخلق ….

الراجل دة بيغيب ويرجع بس لما بيرجع بيبقى بقوة، له طله وكاريزما جميلة جدا …

ابتسامته حقيقية ومش مصتنعة، كلامه هادي كدة وموزون…

البرنامج دة ملوش تعريف محدد ، بجد كأنة دردشة، مرة يحكي حاجة شخصية ومرة يتكلم عن صحابي ومرة يحكي عن تدبره لأية ومرة عن ترند منتشر وهكذا …

قد اية بجد عجبنى اسم ونس، مين فينا مبيحبش الونس، اصل الونس مش مجرد حد موجود فى حياتنا وخلاص، الونس حد روحه معاك حتى لو قاعدين مع بعض مش بتتكلموا، روحكم متونسة ببعض، لما وردة قالت بتونس بيك … لما تقرب بتونس بيك، ولما بتبعد بتونس بيك، وصف كاتب الاغنية الونس زى ما هو كدة ….

ناس كتير بيرغوا بس فى الفارغ، مفيش في كلامهم روح، وناس صمتهم وعنيهم بتعبر وبتقول كل اللى ال واحد محتاج يسمعه…

ربنا يديم علينا نعمه الونس😍، وتابعوا برنامج ونس صدقوني هتتبسطوا وتتونسوا 😊

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

موقع ويب مدعوم بواسطة ووردبريس.كوم. قالب: Baskerville 2 بواسطة Anders Noren.

أعلى ↑

%d مدونون معجبون بهذه: