صباحكم وردي وجميل ….
يارب تكونوا دايما بكل خير وسعادة وفى بركة ورضا من ربنا
ساعات كتير بنلاقي نفسنا بنضيع فى الوقت ونرجع نندم، ونضيع ونندم ونفضل فى الدايرة دى وقت طويل جدا، من غير ما نحاول نقعد كدة مع نفسنا ونفهم أحنا لية بنعمل كدة؟
أصل حد بيندم على الوقت الضايع يبقى حد مش عايز دة يحصل ، بس ممكن جدا يحصل من غير ما يحس أو غصب عنه ..
ممكن جدا الملل، أيوة الملل ممكن يخلى الإنسان مخه يقف، وميعرفش يعمل حاجة غير أنه يضيع وقته فى أى كلام فارغ…
ساعات الغضب، والضغط العصبى، والحالات النفسية السيئة اللى كلنا بنمر بيها لأسباب كتيرة جدا، تخلى الإنسان يهرب من كل دة لأى كلام، سوشيال ميديا بقي أو تلفزيون أو حتى ان الواحد يقعد كدة من غير ما يعمل حاجة حتى لو وراه لميون حاجة، ويرحع آخر اليوم يندم ويزعل على كل الوقت اللى ضاع من عمره دة….
والحل؟
إن الإنسان يحاول يعرف سبب المشكلة ويشتغل عليها
إزاى؟؟
دى بقى للأسف معرفهاش، بس أكيد أكيد هوصلها 😀
حنين حاتم 
اترك تعليقًا