ساعة صبحية

صباحكم جميل كالعادة

للأسف الفترة اللى فاتت قطعت حبة كتابة على المدونة هنا، بعد ما كنت 25 يوم متواصلين دون انقطاع، بس عادى جدا مش مهم، لازم يبقى فى مرونة وشوية وطبيعي تحصل حاجات كدة تطلعلنا فى النص تأجل حاجات تانية.

رسم الأولويات مهم جدا جدا، كلنا فى حياتنا حاجات مهمة كتير جدا، الفكرة أننا نرتب الحاجات دى حسب الأهمية، المهم نعرف ازاى نوازن وامتى نعمل اية.

الموضوع يبان عادى جدا وطبيعي ، بس تنفيذه ساعات كتير بيكون صعب، وبنبقى عايزين نعمل كل حاجة فى نفس الوقت بنفس الكفاءة، ودة غالبا بيحصلش، فنزعل ونكتئب، ومنعملش حاجة خالص، ونستسلم للمشتتات المختلفة زى السوشيال ميديا، فنضيع وقت عليها، فنزعل ونكتئب أكتر، ونفضل جوا الدوامة دى .

الانسان المرن حياتة بتمشي أحسن من اللى مش مرن، ممكن تكون أبطئ حبة، لكن الحقيقة انها بتكون أهدي كتيرمن حياة الإنسان اللى عايز كل حاجة ماشية بخط مستقيم، ويومه يتقلب لو ملقاش نوع القهوة بتاعه مثلا، أو يلاقي اللبس اللى خطط يلبسه مش مكوي.

المرونة بتسهل الحياة، وبتخلى حتى مخنا يتقبل أى طارئ ممكن يحصل، وبيخلينا نتعامل مع الناس على اختلافهم ونفهمهم، المهم يكون فى اساسيات ومبادئ نمشي عليها.

يسعد صباحكم ويملاه خير وبركة

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

موقع ويب مدعوم بواسطة ووردبريس.كوم. قالب: Baskerville 2 بواسطة Anders Noren.

أعلى ↑

%d مدونون معجبون بهذه: