ساعة ليل( إياكم وطائفي الأرواح)

ساعتكم كلها أمل و فرحة

بقالي ٤٧ يوم ملتزمة بالكتابة بالفصحى… بس دة ميمنعش أني أكسر القاعدة دى من وقت للتاني .. في ساعة الصبحية أو الظهرية أو حتى ساعة الليل ..

وساعتنا النهاردة عن الناس اللى بيتفننوا أزاى يسحبوا طاقتنا، الناس اللي بتقدر بكل سهولة تحسسنا أن وجودهم بيخلينا مش مرتاحين…

خلوا بالكم منهم…

و احذروا طافئين الارواح…….


فى ناس كدة موجودة فى الحياة بيتفننوا فى إطفاء ارواح اللى حواليهم …
المشكله لما بيكون الناس دى قريبين جدا جدا مننا


ام كل كلامها لولادها انت فاشل انتى مش نافعة انت هتعمل ايه يعنى  فى حياتك انتى فاكرة انك لما تكملى دراستك هتفلحى


اب كل كلامه انتو مش عارفين معنى التعب انتو جيل منيل


زوج من نوعية ال يش … متخرجيش متكلميش متشتغليش متدرسيش


زوجة من نوعية على ايه يا حسرة … هو انت تعرف تعمل حاجه بلاش تحلم اوى وانت مش قد دة


الناس دى مش بس بتطفى الروح … دى بتقضى على كل امل حلو ممكن الواحد يعيش عشانه ….
وبيبقى شكلهم وحش اووووووى لما بنتحسن و بنبعد عنهم وكل الناس تلاحظ دة ….


ساعات بيفوقوا قبل ما يفوت الاوان …. وساعات القتلة منهم يدوروا علينا عشان يحاولوا يرجعوا ويقضوا على روحنا خالص متعمدين


النوعية دى من الناس عمرها مابتعيش حياة سعيدة لانها طول الوقت ماشية توزع طاقة سلبيه ع اللى حواليها وعمرهم ما هيعرفوا قيمة الحياة  ولا قيمة الحلم والامل
الناس دى حاولوا تغيروا فيهم …


فى منهم محتاج زقه عشان روحه تصحى
اللى مصمم منهم ….
ابعدوا عنه ….
انتو اللى هتكسبوا….


واللى صعب البعد عنهم ابعدوا بارواحكم وافكاركم عيشوا معاهم بس زى ما انتو عايزين وصمموا ….


ربنا يكفينا ويكفيكم شر اللى بيطفوا روحنا

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

موقع ويب مدعوم بواسطة ووردبريس.كوم. قالب: Baskerville 2 بواسطة Anders Noren.

أعلى ↑

%d مدونون معجبون بهذه: