ساعة صبحية( ممكن نكون محظوظين)

صباح الفرحة والبركة

أحنا محظوظين، محظوظين لأسباب كتير جدا جدا .. مولودين في زمن مختلف تماما عن العصور اللى سبقتنا، مش بتكلم على موضوع تمانينات ووسبعينات وكدة، ومش بتكلم عن 100 ولا 200 سنة، أنا بتكلم عن عهود قبلنا بقرون طويلة ، بس النهاردة هقولكم سبب واحد وباقي الأسباب هنتكلم عنها فى التدوينات الجاية…
احنا اتولدنا نعرف ربنا ، الله الواحد الاحد، عارفين الأنبياء كلهم وقصصهم، معاصرناش صحيح بس عارفين حياتهم وحكايتهم مع أقوامهم..
كتير مننا كان بيتمني يعيش فى عصر نبي ما،عشان يشوفوا ويقعد معاه ويكون من أوائل المؤمنين به، بس يا تري لو كنا فعلا عايشين ساعتها كنا هنؤمن بالنبي دة؟ ولا كنا هنشوف أنه شخص ساحر او مهرطق أو واحد مجنون بيقول أى كلام؟؟؟
معظمنا هيقول طبعا هنؤمن على طول،

في الحقيقة الكلام دة غالبا مش هيكون مضمون، لأنه ببساطة أحنا بنفكر بفكرنا الحالى ،بالمعلومات والادلة اللى نعرفها فعلا.
بنقرا ونستغرب أزاى مفهموش، أزاى مصدقوش،ونشوف العذاب اللى أتعرضوله الأقوام المختلفة ونتخض .
لكن وقتها مش هنكون شايفين اللى أحنا شايفينه دلوقتى، وفى إحتمالية للأسف إننا نكون من قوم ضلوا وكفروا لأنهم حسوا أن الجديد دة مش صح، حتى لو النبي دة آدانا مليون دليل على صدقه وأنه مش مجرد حد بيقول أعبدونى….
الإيمان بالفطرة دة شئ عظيم ونعمة المفروض نشكر ربنا عليها طول الوقت، لأن في أقوام كتير ضاعوا وضلوا بسبب جهلهم وبسبب أنهم مدوش لنفسهم فرصة يرجعوا لفطرتهم، أستكبروا ورفضوا يفكروا.

الإيمان به سبحانه فطرة ربنا فطرنا عليها، بس ناس كتير للأسف أنحرفوا عنها ، حتى بعد أما كانوا مؤمنين، فحتى إيماننا اللى أحنا مولودين و محظوظين بيه ممكن جدا لحظة كبر تضيعه، لحظة شك زيادة دون فهم تطيره، فلازم الواحد يفضل متمسك على قد ما يقدرو وميغترش أبدا بقوة إيمانه، لأن فى كائن حالف ليضيعنا ،وأكيد بيشتغل على المؤمن أكتر من الضال، لأنه بيبقي عايزة يسيب العبادة عشان يثبت أن الإنسان مش هيعبد ربنا حق عبادته، ولكنه سبحانه أعلى وأعلم ، وقالنا أن كيده ضعيف جدا ، وأننا لازم نتغلب عليه، هى دى حربنا الحقيقية.

صباحكم مليان إيمان، وربنا يبعد عننا وعنكم وسوسة الشيطان

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

موقع ويب مدعوم بواسطة ووردبريس.كوم. قالب: Baskerville 2 بواسطة Anders Noren.

أعلى ↑

%d مدونون معجبون بهذه: