ساعة صبحية(ايام عالمية)

يا صباح الورد والفل والياسمين عليكم

بحب فكرة الأيام العالمية اللى الأمم المتحدة بتعملها، بتعرف الناس على حاجات ممكن تكون جزء من يومهم وممكن تكون ميعرفوش عنها حاجة، بتوعي الناس أحيانا، وبتعرفهم ثقافات جديدة أحيانا
فى أيام عالمية وفي أسابيع عالمية، وساعات شهر كامل بيحتفل العالم بموضوع واحد،.

فكرة ان العالم كله يكون مهتم بشئ معين في وقت معين بتدي أمل ولو واحد فى المية أن العالم بيحس ببعضه كأنه شخص واحد، أنه ممكن فى يوم من الأيام يبقى العالم كله يوتوبيا، رغم أن دة مستحيل ومش هيحصل بس غير فى خيالاتنا و أحلامنا، لأن حتى الأيام العالمية دى مبتهمش كل الناس، وساعات كمان بيبقي عليها خلافات.

تعرفوا إيه من الأيام العالمية؟؟؟